Vojaĝo al la suno!

La 3an de decembro 2005 okazis la ĉiujara Zamenhof-festo (organizita de David Hannah) ĉe Aberdour, Fife , Skotlando. 14 Esperantistoj partoprenis.

Antaŭ la ĉefevento la konsilantaro de la Esperanto-Asocio de Skotlando kunvenis sub la prezidanteco de Diana Richardson. La kunveno estis bonhumora kaj kreiva.

Posttagmeze Ian Macdowell el Liverpolo sorĉis nin per rakonto pri sia ĉi-jara vizito al Jalto en Ukrainio. Komence li substrekis sian nesperton pri prelegado; sed li plene sukcese bildigi la urbon kaj ĝian riĉan kulturon kune kun vigla esperantisma dimensio. Aventuroj ne mankis precipe pri la vojaĝo al Jalto; tamen, li emigis ĉiujn viziti la urbon kaj partopreni la tiean esperantan eventon.

Post la prelego oni feste manĝis kaj trinkis. Ĉi-jare oni ne tre specife aludis al la Majstro; tamen, la tuta tago estis zamenhofeca.

Ni tostu lian memoron!

Fotogalerio de Zamenhof Tago en Aberdour 2005